مرثيات عن مبارك بن عبد الله الصائغ الفارسي


24 Oct
24Oct

                                                    

من  خلف  الأطياب  ب الله ما مات
لا سيما  راعي  الوصوف  النظيفه

وانته على روس الحميدات بالذات
متسيد ن  لوصاف  يا بو  خليفه

حمود الفارسي ابوصالح

ما قالو الصايغ عشان الصياغات !!
الا عشان أطباع نخوة شريفه

من صاغ ف قلوب الاوادم نقوشات
ذكراه ما تفنى و تبقى حليفه 

راشد المشرفي( النوس)

تبقى على طول الزمن ف الروايات
فارس نقش بالعلم فكره وسيفه 

مبدع فصوغ الحرف قبل القلادات 
المجد في كلتا المحافل رديفه

طلال العريمي

رحماك يا رب(ن) عليم الخفيّات!
رحمه عسى في صالحينك تضيفه

عبدك وبن عبدك كريم السجيّات!
تشهد على مْبارك حياة(ن) عفيفه

#صالح_المشايخي

روحه تعلت وانكبدنا مرارات
عقبه غصون الدار امست قفيفه

لكن ذكره حي..عندي بشارات
الفعل والصورة جناهن "خليفة" 

عبدالله المخيني(  العمده )

نسألك يا منشي السحاب الثقيلات
رحماك يا ربي ب نفسا (ن) عفيفه

ويحسن عزاكم يا صحاب المروءات
يلي لهم حشمه و فعولا منيفه

خالد شريم 

الموت حق  ولكن  الفقد حسرات 
والصبر طيب    والشدايد كليفه 
 
للصايغ  المشهور في صور بصمات 
تبقى الشواهد كالضلال الوريفه

فيصل السناني 

روح من الدنيا لرب السماوات
و روحه من الإحسان راحت خفيفه

و ذكره تلامع في لسان الرجالات
حتى رأت نوره عيونٌ كفيفة

عمر مريود

عمر الحياة اللي يعدي بلحظات 
ما بين غمضة عين يمضي بطيفه 

يا ضيف أبشر جود ربٍ وجنات 
الله أرحم من عباده بضيفه

غيث بن جويد الغيلاني 

الله يا منشي جبال المنيفات
وَيَا رازق ن عبدن فقيرن رغيفه

ترحم لعبدك يوم ضاقت مساحات
في حفرة أبها امورن مخيفه

خالد مهوس العريمي 

حياتنا ضدين حزن ومسرات
أسألك يا رحمن عيشة لطيفه

لـ (مبارك) السقيا من الكوثر فرات
وفي جنة الفردوس لبسه شفيفه 

أنور البلال

للطيب صيتٍ با يفوق الكرامات
واذا مدحنا  ما نحوز  النصيفه

ما  مر فقدانك  علينا  سهالات 
اليوم  باتت  عين  دارك  ذريفه

تميم المخيني

من دار هارون الكرم والبطولات 
 نبعث  تعازينا  دموع ن  ذريفه 

ابو خليفه  يالربع  حي مامات 
مادام  بعده   باللوازم  خليفه


محمد راشد العويلي( العراق )


امست دموع العين تبكي بعبرات
 على الذي فالناس نادر وصيفه
 
خيم عليك الحزن ياصور بالذات
شروا الذي مفروق عنه وليفه

وليد السناني 

اللي نقش صوغ المحبة بدايات
في تضحياته خط سيرة نظيفه

يا رب ضاعف له برحمتك حسنات
وفي جنتك سكنى القصور المنيفه

ناصر الهاشمي بو حماد


الشعر .. لابه وانا محتاج لاباات
عشان جرح الحزن يدمل .. نزيفه

وانقش لكم من صوغ فكري تحيات
واعلقه بيرق  ... يلالي  رفيفه 

خليفه الصايغ



ميدان 

رجلن مشيد فدار قصور وحالف ع صوغ ن معي ولا دك


لو شي قمر مالزمن هل كان بغر ولدي من تغر بتكم 


يا ناصر ترى مالزمن هلاكان ابى منغعه من تغربتكم
اهلي يقولوا ترف ويوفني وجمل العقيلي لوى خيه 


دايم يا ناصر ترف جفوني وجنبي تكاثر لوخيه 


اذكر خويك فدارك صور خوتك واهلك مع اولادك


تعليقات
* لن يتم نشر هذا البريد الإلكتروني على الموقع.